Наурыз - ұлттық салт-дәстүрлер мен әдет - ғұрыптарға негізделген, көктемнің келуін, жаңа жылдың басталуын бейнелейтін басты мерекелердің бірі. «Наурыз - ағайынды бауырмалдыққа, көрші-қолаңды татулыққа шақыратын береке-бірліктің мерекесі.
Осы орайда аудандық орталық кітапхананың кітапханашылары Абдрашева З.Қ., Балабаев Қ.Қ. «Алтын ұя» әжелер клубы мүшелерінің қатысуымен «Елім менен жеріме, ырысын шашқан әз-Наурыз!» атты фестиваль ұйымдастырды.
14 наурыз – «Көрісу күні - Амал мерекесі». Бұл күні Орталық аудандық кітапхананың залында «Алтын ұя» клубы мен «Золотая пора» клубының мүшелері бір - біріне арнайы сәлем беріп, көрісіп, мейраммен құттықтап, ізгі тілектерін жаудырды. «Алтын ұя» клубының мүшелері бірін - бірі келе жатқан Наурыз мерекесімен құттықтап, игі тілектерімен бөлісіп, шашу шашты.
Елімізде 16 наурыз - «Мәдениет және ұлттық салт - дәстүр күні» тақырыбында аталып өтпек. Осы орайда, орталық кітапхана қызметкерлері халқымызда кең тараған салт-дәстүрлердің бірі - құдалық тойын, «құйрық - бауыр» салтынкөрсетті. «Алтын ұя» әжелер клубыныңмүшелері Сара апай мен Сәлима апай төрде отырған құдаларға құйрық - бауырды әндетіп тарту етті. Құдалар төс түйістіріп, құдалықтарының мың жылдық болуына тілектерін айтты. . Кітапханашы Балабаев Қ.Қ. аналарға арнап «Ана жүрегі» әнін орындап берді.Кітапханашылар мен «Алтын ұя» әжелер клубының мүшелері құдалық, құйрық-бауыр дәстүрін «Золотая пора» клубының мүшелеріне де көрсетіп, қазақ халқының салт - дәстүрін өзге ұлт өкілдеріне түсіндіріп, құйрық бауырдан ауыз тигіздірді.
17 наурыз - «Шаңырақ күні».Бұл күн сүйіспеншілік, құрмет, сенім, өзара көмек, мейірімділік, жанашырлық, анаға құрмет, Наурыз бата сияқты отбасылық құндылықтарды насихаттауға арналды. Фестивальдің тағы бір көз тартарлық дәстүрі «Наурыз бата» беру рәсімі болып табылады. Жиналған қауымды наурыз мерекесімен «Алтын ұя» клубының мүшесі, «Алтын алқа» иегері, көп балалы ана Сара Ақанқызы құттықтап ақ батасын берді. Үлкен кісінің берген ақ батасы қабыл болып, баршамыздың шаңырағымызда береке мен бірлік болсын.
18 наурыз - «Ұлттық киім» күні. «Ұлттық киім» күніне арналған 18 наурыз - ата - бабамызды, ұрпақтан - ұрпаққа жалғасып келе жатқан әдет - ғұрыптарымызды еске алатын ерекше күн болды. Бұл күні фестивальға қатысқан барлық қатысушылар өздерінің ұлттық киімдері мен зергерлік бұйымдарын таныстырып, «Алтын ұя» клубының мүшелері қазақ халқының ұлттық киімдерін тігу мен зергерлік бұйымдарды жасау жолдары жайлы ақпарат берді.
20 наурыз - Ұлттық спорт күні.Фестивальде ұлттық ойын «Асық ойыны» ойнатылды. Ойынды «Алтын ұя» әжелер клубының мүшесі Гүлжихан апай өткізді. Қатысушылардың бәріне ойынның шартарын түсіндіріп, асық ойыны күндіз де, түнде де ойналатынын тілге тиек етті. Иіргенде түскен қалпына қарай асық - алшы, тәйке, бүк, шік деп, ал атуға арнап арнайы қорғасын құйылып жасалғаны - сақа, жақсылары - оңқы аталатынын айтты. Атап айтсақ, Мұндай Ұлттық спорт түрлері мәдени мұраны сақтауға, жас ұрпақтың ұлттық сана - сезімін күшейтуге ықпал етеді.
Іс - шара соңында мерекелік ақ дастарқан жайылып, қазақтың ұлттық тағамдары қойылды. Фестивальға қатысушылардың бәрі ақ дастарқаннан ауыз тиіп, шай ішіп, алғыстарын білдіріп тарқасты.