Патриоттық тәрбиеде мемлекеттік рәміздер ерекше орын алады.

Орталық аудандық модельдік кітапхананың оқу залында ҚР Мемлекеттік рәміздер күніне арналған «Үмітін елдің арқалап арманнан туған рәміздер» атты дөңгелек үстел өтті. Іс – шараға Меңдіқара ауданы әкімінің орынбасары Марлен Бағытбекұлы Сандыбеков, Первомай жалпы білім беретін мектебінің тарих пәнінің мұғалімі Дамир Мнайдарұлы Сұлтанов, «Жастар ресурстық орталығы» КММ маманы Тұрсынай Мұхтарқызы Дүйсенбаева, К. Дөненбаева атындағы Боровской кәсіптік – техникалық колледжінің студенттері қатысты.

Салтанатты бөлім Қазақстан Республикасының Әнұранын орындаудан басталды. Бұдан әрі жүргізушілер-орталық аудандық модельдік кітапхананың әдіскері Л.А. Раимбекова және қызмет көрсету бөлімінің кітапханашысы А. К. Мусинова қатысушыларға Қазақстанның әрбір азаматы өз елінің мемлекеттік рәміздерін білуі және құрметтеуі және оларды мақтан тұтуы, сондай – ақ олардың мемлекеттің зияткерлік меншігі екендігі туралы айтып берді.

Марлен Бағытбекұлы өз сөзінде ҚР Мемлекеттік рәміздері – Ту, Елтаңба және Әнұран – бірегей дизайнымен, символизмімен ерекшеленетінін, рухани және мәдени құндылыққа ие екенін атап өтті. Оның сөзіне Дамир Мнайдарұлы қосылды, ол балаларға өз елінің рәміздерінің мағынасын нық білулерін және одан тысқары жерлерге шығып, олар туралы кез келген басқа елдің азаматына айта алуларын тіледі. ҚР Елтаңбасының дизайнын өзгерту жоспарланғандықтан, Дамир Мнайдарұлы студенттерге «Шедеврум» бағдарламасының көмегімен болашақ елтаңбаның эскизін жасауды ұсынды. Балалар тапсырманы ынтамен орындап, нәтижелерімен бөлісті.

«Жастар ресурстық орталығы» КММ әдіскері Дүйсенбаева Тұрсынай Мұхтарқызы қатысушыларға өзінің жұмысы туралы, жастар үшін және ауданның белсенді жастарының көмегімен өткізілетін түрлі бағыттағы іс-шаралар туралы айтып, жастарды ұрпақтар сабақтастығын сақтап, өз ауылдарын, аудандарын, елдерін даңқтай отырып, олардың ізімен жүруге шақырды.

Іс - шара «Юбилейный» МҮ мамандарының орындауындағы музыкалық нөмірлермен сүйемелденді. Соңында естелік үшін фотосурет түсірілді.