Ағымдағы жылдың 4 наурызында мемлекеттік тілде қызмет көрсету бөлімінің қызметкерлері 8 наурыз Халықаралық әйелдер мерекесі қарсаңында «Алтын ұя» клубының қатысушыларымен «Ана деген – бәйтерегі өмірдің» атты іс – шарасын өткізді. Қатысушыларға сайыстың мақсаты мен міндеттері, сайыстың кезеңдері таныстырылып өтті.

Сайысқа екі топ қатысты. Әр топқа тұрлі тапсырмалар дай ындалған болатын. «Сәлем – сөздің анасы» таныстыру кезеңінде топтар өздерін таныстырып, ұрандарын ортаға салды. Екінші «Сөздің көркі - мақал» кезеңде екі топқа да жұмбақ жасырылды, жұмбақтың жауабына мақал құру керек еді. Қатысушылар белсене ат салысып, үлкен қызығушылықпен екінші кезеңнің тапсырмаларын ойдағыдай орындап шықты.
Үшінші кезеңде қазақ халқының салт-дәстүрлерінен тапсырмалар берілсе, төртінші кезеңде қатысушыларға түрлі жағдаятттар беріліп, қатысушылар сол жағдаятқа байланысты өз ойларын ортаға салып, пікір алмасты.
Ақтық кезеңде қоржынға салынған сұрақтарға жауап бере отырып, қатысушылар «Ана» тақырыбында әсем әндер айтып, көңілдерін көтеріп мерекелік күйге бөленді. Іс –шара соңында естелікке суретке түсіп, ақ дастарханнан ауыз тиіп, өлең айтумен тарқасты.