Еңбек күніне орай қыркүйектің 26 жұлдызында Орталық аудандық модельдік кітапхана кітапханашысы Мусинова А.К. «Алтын Ұя» әжелер клубымен «Елге сіңірген еңбек жақсы» атты мерекелік іс-шарасын ұйымдастырды.

Шара мақсаты – ардақты да аяулы әжелеріміздің ел қамы, ел игілігі үшін жасаған еңбектерін талқылай отырып, өскелең жас ұрпақтың бойына дарыту.

Мерекелік жиында «Алтын Ұя» клубының әжелері жастайынан жұмыс жасаған қызметтері, өз мамандықтары жайлы сыр шертіп, еңбек тақырыбындағы түрлі сұрақтарға жауап берді. Кітапханашы жасырған мақал-мәтелдер мен жұмбақтардың жауабын тауып, іс-шараға белсене атсалысты.

Жиын соңында ардақты әжелеріміз түрлі қызықты ойындар ойнап, халық әндерін хормен шырқады.