20 маусым күні Орталық балалар модельдік кітапханасының кітапханашысы Б.Т. Жусупова Ғ. Жұмабаев атындағы мектеп-гимназиясының жанындағы лагердің балаларымен «Жазғы оқудың сәулелі алаңы» атты ойын бағдарламасын өткізді. «Әрбір бала бір жұлдыз, жарқырауына жәрдем бер» дегендей балғын балаларымыздың жазғы демалыстарын жақсы өткізулеріне ерекше ықпал жасауымыз керек.
Іс-шара барысында балалармен «4 элемент», «Ынтымақтастық», «Магнитті жылан», «Крокодил», «Болашағыңды басқар» ойындар ойнатылды. Ойындар балалардың тапқырлығы мен шапшандығын арттыруға бағытталған. Балалар белсенділікпен әр кезеңнің тапсырмаларын қызығушылықпен және көңілді орындап шықты. Іс-шара соңында балаларға тәттілер берілді.