Меңдіқара өңірінің көрнекті тұлғасы Оразалы Қозыбаевтың 100 жылдығына орай 15 сәуір күні Қарақоға ауылдық кітапхана кітапханашысы Ж.К. Бабакаева "Халықтың мақтанышы" атты портрет кешін өткізді. Оразалы Әбілұлы Қозыбаев 1924 жылы 15 сәуір дүниеге келген. Кіндігінің қаны тамып, түлеп ұшқан жері Меңдіқара ауданы. Кітапханашы оқырмандарды мерейтой иесінің өмірбаянымен және еңбек жолымен таныстырды. 1998 жылдан бастап Қарақоға ауылының мектебі О. Қозыбаевтың құрметіне аталған. Кеш барысында мектептің тарих пәнінің мұғалімі Дәурен Жексенұлы Нургалиев қоғам қайраткердің мерейтойына арналған баяндама ұсынды. Мектеп директоры Садуов Аманбулат Кәкімжанұлы сөз сөйледі. Кеш оқушылардың домбырамен әсем әндер шырқалып, жақсы көңіл-күймен аяқталды.