8 сәуір күні Жангелді ауылдық кітапхана кітапханашысы Р.М. Арыстанова  мектебінде мұғалімдер мен оқушыларға арналған «Қазақ операсының бұлбұлы» атты портрет сағатын өткізді. Іс-шара тарихи тұлғалардың бірі БибігүлТөлегенованың 95 жылдық мерейтойына арналған. ОлРеспублика көлемінде аталып өтпек.

Рахима Мұсабекқызы оқырмандарға лирикалық-колоратуралык сопрано дауысты қазақ әншісі Бибігүл Төлегенованың өмірбаяны туралы мәліметтер берді.Өз елімен қатар әлемдік деңгейдегі «күміс көмей әнші» атанған тарихи тұлғаның өнер жолы жайлы, орындалған әндері, опера мен кино саласындағы ойнаған рөлдері туралы кең көлемде бейнероликтер ұсынылып, 20-ға жуық шетелдерге гастрольдік сапарлары жайында  ақпараттар берілді.

Әлем деңгейіндегі таңғажайып өнері үшін әнші қазақ қызының  өмір жолы, жетістіктері осы күнгі жастарға үлкен үлгі екені анық. Ауыл кітапханашысы қатысушыларға Бибігүл Төлегенованың фотоальбомын, «Мәдениет» журналында жарияланған мақалаларын ұсынды.