Ахмет Аманжол Зұлқарнайұлы

Ахмет Аманжол Зұлқарнайұлы 1943 жылы 16 шілдеде қазіргі Меңдіқара ауданы, Күзек – Шоқ ауылында дүниеге келген.

1961-1966 жылдары Алматы қаласындағы Қазақ мемлекеттік ауыл шаруашылығы институтында «Агрономия» мамандығы бойынша оқыды.

1967-1970 жылдары - Қазақ егіншілік ҒЗИ аспиранты.

1970 – 1986 жылдары – Целиноград АШИ Қостанай филиалының ассистенті, доценті.

1987 – 1993 жылдары – Қостанай ауыл шаруашылығы ҒЗИ «Дала дақылдарын өсіру технологиясы» зертханасының аға ғылыми қызметкері, меңгерушісі.

1993 – 2003 жылдары – А.Байтұрсынов атындағы ҚМУ Қостанай АШИ жем-шөп өндіру, өсімдік шаруашылығы және селекция кафедраларының меңгерушісі.

2003 – 2023 жылдары – агрономия кафедрасының профессоры, А. Байтұрсынов атындағы ҚӨУ энтомологиялық мұражайының меңгерушісі.

Әр жылдары Аманжол Зұлқарнайұлының 50-ден астам ғылыми еңбектері жарық көрді. Медальдармен марапатталған.

Меңдіқара аудандық мәслихатының 2023 жылғы 20 маусымдағы № 48 шешімімен Ахмет Аманжол Зұлқарнайұлына «Меңдіқара ауданының құрметті азаматы» атағы берілді.