1931 жылы 12 тамызда Қостанай облысы Меңдіқара ауданы Төлеңгіт кентінде дүниеге келген. 1950 жылы Меңдіқара педагогикалық училищесін бітірген. 1959 жылы Орал қаласындағы А.С.Пушкин атындағы педагогикалық институтының филология факультетін «Қазақ тілі мен әдебиеті» мамандығы бойынша бітіріп, «Қазақ тілі мен әдебиеті пәнінің мұғалімі» біліктілігін алды.

Қ.Қ.Құсмұрзиннің бүкіл еңбек өмірі Жетіқара және Меңдіқара аудандарының мектептерінде өтті, онда ол мұғалім, оқу бөлімінің меңгерушісі  және  мектеп директоры болып  жұмыс  істеді. Бірінші облыстық мұғалімдер  съезінің  делегаты  болды. Қ.Құсмұрзиннің педагогикалық жалпы еңбек өтілі 51 жылды құрайды.

1976 жылдан 2001 жылға дейін (25 жыл) Төлеңгіт негізгі мектебінің директоры болды.

1981 жылы Қостанай облыстық мұғалімдердің білімін жетілдіру институтында «Білім сапасы жолында» буклеті дайындалып, Қ.Қ.Құсмұрзиннің педагогикалық қызметінің тәжірибесі жинақталды. Педагогтың  жұмыс  тәжірибесі  облыс  мектептерінде таратылды. 1983 жылы «Қазақ КСР Халық ағарту ісінің үздігі» төсбелгісімен, кейін «КСРО Халық ағарту ісінің үздігі» төсбелгісімен марапатталған.

Бірнеше рет ауылдық Кеңестің депутаты болып сайланды.

Қажымұқан (Қажен) Құсмұрзаұлы Құсмұрзин «Еңбек ардагері» медалімен (1985), В.И. Лениннің 100 жылдығына арналған медальмен (1970), мерейтойлық медальдармен (2005, 2010, 2015), Меңдіқара ауданының 85 жылдығына арналған медальмен, Ұлы Отан соғысы және еңбек ардагерлерінің «АТА» қоғамдық қорының белгісімен, сондай-ақ мақтау грамоталарымен марапатталған және алғыс хаттармен марапатталды. Қажымұқан Құсмұрзаұлының есімі Меңдіқара ауданының аудандық және облыстық (1996 жыл) «Құрмет» кітабына және «Құрмет» тақтасына енгізілген.

2000 жылдың 2 тамызында Қажымұқан Құсмұрзинұлы Құсмұрзинге «Меңдіқара ауданының Құрметті азаматы» атағы берілді.